O meu punto de vista

Na miña opinión, paréceme que o principio deste proxecto vai indo bastante ben. É un soño para min poder axudar en obras do tipo desta. Cada vez síntome máis cerca de cumprir ese obxectivo do meu futuro. Ademais, alégrame traballar con estas persoas. Foi unha pena o plan cancelado, pero espero que non se volva a repetir e que todo saia mellor. ¡Bo Nadal e próspero Ano Novo para todos!

Imprevisto

Aviso a todo o equipo!!!
Suspendemos a sesión de gravación prevista para mañá 29/12 por climatoloxía adversa.
É a primeira vez que non podemos cumprir co calendario previsto, e iso non é o que perseguimos, pero esta vez non pode ser.
Xa vos avisarei para a seguinte sesión... saúdos a todos/as e felices festas
Miguel Carbajal

Misión case imposíbel

Aquí tedes o Making Off do noso proxecto espontáneo. O traballo foi difícil, pero ó final conseguímolo rematar.

Exceso de látex

Antes de colgar o Making Off do proxecto do noso equipo técnico, debo mostrarvos este vídeo sobre unha proba de maquillaxe con látex.

Fantástico

" Os xoves de hoxe son nugalláns, deixados, non traballan, non estudan... non se preocupan por nada... "
E logo estes que son? bechos raros ?
Non!
Son xoves traballadores, comprometidos, estudantes... e polo que podemos ver aquí, tamén son artistas.
Este é o resultado do traballo que debía facer o equipo técnico, no último sábado do primeiro trimestre. A proposta consistía en facer unha curta no mesmo día... e así foi.
Mentres as actrices e actores ensaiaban na aula de música, o equipiño técnico tiña outro cometido...
" Debedes facer unha curta de un ou dos minutos que consiste en... "
Só tendes unha hora para inventarvos un guión.
Só tendes unha hora para gravar.
Só tendes unha hora para montala.
Teredes que presentar tamén un making off deste traballo
Vós estaredes sós, e debedes presentar o resultado, como práctica para a filmación (no segundo trimestre) de Animais Artificiais. " Precisamos que collades soltura detrás das cámaras "



En breve veredes o " como se fixo "

Traballo apurado

Hoxe, foi o sexto día de traballo. Todo pasou moi rápido. Os de montaxe tivemos só dúas horas para rematar un proxecto comezado e finalizado, máis ou menos, no mesmo día. Despois, eu tiven que deixar de axudar cando estabamos chegando ó final porque practiquei un papel. Aínda que é moi curto, a idea de telo alégrame os días.

Final do primeiro trimestre

Chegamos a un lugar sen retorno... só é posible fuxir cara adiante.
O primeiro trimestre amosa resultados moi alentedores... É un auténtico pracer traballar con vós... sodes un gran equipo humano e artístico, sensible e entregado...
Estamos a disfrutar do camiño e iso non hai premio que o pague...
O equipo técnico tivo hoxe gran protagonismo e compromiso... en breve veremos o resultado.
Dá gusto velos traballar... parecen profesionais
Por outra banda hoxe contamos con "unha estrela invitada, unha esgrevia figura da danza, retirada xa... " Alba Martínez, irmá da ben querida Leticia Martínez, que tivemos o pracer de contar con ela para a obra
DORMES?
Alba estivo fantástica a pesares de ser o seu primeiro ensaio. Que dicir que non se saiba dos demais artistas... pois que estades a superarvos cada día. É moi emocionante ver os avances.

Atención compoñentes da banda sonora

Aquí vos deixo unha versión do tema que vós coñecedes ben.
Prestade atención á harmonía, sobre todo no turnaroud. Utiliza varios acordes de substitución, sobre todo nos dominantes.
A nosa versión debe ser máis sutil... pero a mellor maneira de aprender é escoitar aos grandes... por suposto que temos que estudar case que día e
noite tamén...
Do talento xa non falamos, Larry Carlton é un deses talentos

Animais artificiais?

Estes son os verdadeiros animais... son naturais.



Se che gusta a bioloxía, tamén tes sitio no cine...

Tecnoloxía ao servizo da arte

Aquí temos un pequeno trailer que nos achega Abel. É bo traballo viaxar pola rede e buscar material interesante.
Grazas Abel por compartir as túas inquedanzas.
Por moita tecnoloxía que teñamos, a gran diferenza segue a estar na visión dos artistas... por sorte, de momento, as persoas seguimos a ser importantes no traballo artístico...
É dificil que unha máquina poida superar o maxín do ser humano... ao mellor algún día estas afirmacións son anecdóticas... quen sabe..

Probas de montaxe

Antonte foi o quinto sábado de traballo. Esta vez o director separounos e os de montaxe estivemos na aula de infórmatica. Uns montamos vídeos do Making Off e outros fixeron probas con eses vídeos para ver como quedaría doutra maneira. Por agora ímos montando as entrevistas pouco a pouco e van quedando aceptables. A ver que facemos o próximo día.

Proposta de traballo

Propoño a tódolos alumnos do equipo técnico facer unha curta, dun minuto como máximo, para subila ó blog. Poderemos así avaliar os traballos de montaxe e edición de vídeo.
A temática será libre, pero debe contar coas seguintes características:
Tempo máximo permitido 60"
Calidade de enfoque.
Calidade nos movementos de cámara e cambios de plano.
O guión deberá estar claro... pódese presentar a historia sen máis pero debemos ter claro de que vai.
As transición serán sutís... sen efectos entre as mesmas (cortiniñas, etc.)
Podedes facelo individual ou en equipo.
Calquera cámara servirá pala facelo.
Pode ser un formato publicitario (inventar un produto e vendelo... por exemplo)
Non é obrigatorio contar con actores/actrices, persoas... hai máis posibilidades (utilizar a imaxinación)
Ten que estar rematado e presentado antes da volta de vacacións.
LEMBRADE- MÁXIMO UN MINUTO
A traballar duro que os artistas teñen poucas vacacións.

Quinto sábado

Estamos a piques de tomarnos un descanso. O sábado seguinte será o último ensaio do primeiro trimestre.
Hoxe comezamos pola proxección dun vídeo resumo dun ensaio, montado por Carlos, alumno do equipo técnico.
O traballo está moi ben, aínda que o director quixo elevar o listón e solicitarlle un traballo máis difícil aínda. O seguinte paso consiste en reducir máis o resultado final.
Sen dúbida, isto resulta moi dificil, posto que o material inicial é de máis dunha hora. De todo ese traballo queremos ver un minuto... empresa difícil pero non imposible.
Ánimo Carlos que estás a facer un bo traballo.
Unha vez rematada a proxección fixemos dous grupos. O equipo técnico foi con Xoán Xosé á sala de ordenadores, para poder facer prácticas de montaxe... por desgraza volvemos a sentir as doenzas do sistema informático... é absolutamente decepcionante contar cuns equipos informáticos tan defectuosos. De tódolos xeitos xa saímos victoriosos de batallas similares.
O equipo artístico estivo con Miguel Carbajal, e só podemos lembrar unha vez máis que o traballo dos artistas é fantástico.
Parabéns a todos/as

O vídeo esperado

Isto é un resumo dun día de ensaio. Por fin conseguino rematar. Espero que vos guste. Aquí está.

Traballo en 3D

Estou comezando a familiarizarme co programa de 3D. Seguindo os titoriais apréndese moito. Nesta imaxe vemos como a partires de figuras simples como poden ser unha esfera ou un simple cilindro, podemos construír un patrón inicial, e logo, aplicando modificadores de dobrar, e modificadores de simetría constrúense figuras maiores. Esta é a figura que fixen;

E aquí vemos a interface do programa, no cal, abaixo á dereita, podemos apreciar un dos pasos do proceso:









Hoxe en día, todas as películas que vemos no cine, teñen unha parte de integración 3D. Que é a integración 3D? Pois é "inserir" modelos tridimensionais nun vídeo de acción real (con actores de carne e óso). O problema é que o vídeo, ao metelo no programa de composición, encóntrase en formato bidimensional. Se a cámara está en movemento, temos que pasar o vídeo por un programa que "rastree" o vídeo, e sexa capaz de facer unha especie de mapa 3D segundo o cambio da perspectiva. Os datos de dito mapa son exportados e introducidos no programa de modelaxe 3D, e automaticamente, todo o que teñamos modelado no proxecto, moverase co vídeo de acción real. Agora o único que temos que facer é compoñelo no programa de composición e xa está. Se o vídeo é estático, é mais sinxelo; simplemente temos que axustar a perspectiva do modelo 3D, para que estea perpendicular ao chan. Logo componse no programa de composición.
É un proceso laborioso, pero polo que toda película de hoxe en día está case obrigada a pasar.
Seguirei facendo probas.

Non podemos negar a linguaxe coa propia linguaxe...

Hai unha linguaxe que vai máis alá que a propia linguaxe... ese é lugar a onde debemos chegar

Ánimo á banda que está a soar moi ben...

Cambios de plano

Esta é unha proba de cambios de plano. É un aspecto crucial na realización cinematográfica. Faise gravando o víideo por cachos. Aquí está:



Máis en: hidraprod.blogspot.com





.

Cuarto día de ensaio!

A mañá de onte foi máis dura que as anteriores xa que gravamos escena por escena. Nós estabamos acostumadas a facer o guión enteiro, por iso se nos fixo un pouco raro. Despois de gravar as nosas escenas fomos facer unhas entrevistas. A verdade é que me daba un pouco de vergoña porque non sabía que dicir e entrábame a risa. Ó final de todo vimos no ordenador as tomas que gravaron, fixámonos nalgúns detalles que podiamos mellorar, pero tamén vimos algunhas escenas con movemento que quedaron moi ben. En definitiva, o noso traballo está indo cada vez mellor.

Tensión de entrevistas

Hoxe foi o cuarto sábado de traballo. Eu tiña que levar montados uns vídeos de fai dúas semanas, pero un erro do ordenador e a miña desorganización impedíromo. Falando deste día, os do Making Off dividímonos. Dous gravamos as probas de maquillaxe e outros dous fixeron entrevistas a todos os que colaboran nisto. Máis tarde, ó acabar isto, vimos as tomas de ensaio dos actores e das actrices. Polo visto o próximo fin de semana non imos, porque o collemos de descanso, pero para o seguinte comezaremos con outra cousa. Cada vez falta menos para saír fóra.

Cuarto sábado

Os avances non se fan esperar... cada día vemos melloras en tódolos/as participantes.
Por unha banda estivemos a traballar os guións e linguaxe corporal. Por outra parte, o equipo de filmación tamén fixo dúas escenas seguindo o boceto do storyboard.

María e Rebeca en maquillaxe, conseguiron un gran avance... o látex funciona.
Na próxima sesión terán que aplicar unha maquillaxe uniforme á cara por enriba do látex, para que non se noten diferenzas de cor.
Marta (na foto) prestouse para as probas

A nai de tódalas nais

África segue a estar aí
É a fonte máis pura na cal podemos inspirarnos... a música está con nós, forma parte de nós
Que é ritmo?

Só facéndonos preguntas poderemos atopar respostas.

Imaxina

Este é un vídeo que nos achega Natalia Carbajal. Foi traballado nun máster de musicoterapia en Madrid.

Se podes soñar, pódelo facer

Motivación

Tódalas persoas nacen cun xenio dentro... algunhas conseguen domalo...
O método de adestramento consiste en:
TRABALLO, CONSTANCIA E SUPERACIÓN

Xa coñecedes o método... de vós depende adestralo.

Sensibilidade

Non podemos negar a linguaxe coa linguaxe... non podemos demostrar o pensamento co pensamento...
Un non pode demostrar que existe, só pode crer que existe...

Todo isto é xenial!

A dicir verdade, este traballo caeume nas mans cando menos o pensaba e cando máis o necesitaba. Fai anos facía teatro no colexio pero a chegada ó instituto empeoroume a facilidade de seguir adiante coa miña maior afección. Agora sei que con esta nova oportunidade vou gañar moitas cousas, e aínda que por agora aínda é cedo, a todo iesto véselle moi boa pinta. Todos os que participan neste proxecto son unhas grandísimas persoas, e sei que xunto con elas podo chegar moi lonxe. O máis importante desde o meu punto de vista é que estou facendo o que realmente quero, o feito de facer o que me gusta axúdame a desconectar de todo; cando me sinto mal por calquera cousa, ou cando teño ganas de rirme de min mesma, póñome diante do espello e póñome a falar soa, inconscientemente de todo o que está ao meu redor, eu xa non son eu, agora son unha froiteira, agora penso se en realidade saben igual os melóns macho que os melóns femia..

Un día tranquilo

Onte, a estas horas antonte, foi o terceiro sábado de traballo. Os do Making Off non tivemos moito que facer, pero os actores e as actrices recibiron a un home que vai interpretar un personaxe. Algúns do equipo técnico conseguimos facer de extras para unha escena. Non foi moito esforzo, pero resultou agradable probar algo novo. Aínda que falta por montar os vídeos da anterior semana, estamos avanzando moito e o director díxonos que dentro de pouco acabaremos os ensaios e pasaremos a gravar tomas. Espero que sexa pronto. Creo que a organización segue correcta e a diversión non falta.

Efectos divertidos

Os alumnos " xogan a facer cine "
Está claro que podemos divertirnos aprendendo...
Para mostra un botón... aquí vemos unha serie de efectos especiais moi divertidos, creados por un alumno do taller... Unha vez máis queda claro que a imaxinación é primeiro... logo virán os medios....
Seguir maquinando; en breve precisaremos do voso talento para que os nosos "Animais Artificiais" sexan naturais.

Terceiro sábado

Grazas, grazas e máis grazas...
Esta fin de semana contamos coa colaboración de Gonzalo Valcárcel. É un pracer poder traballar con persoas tan válidas e comprometidas.
Gonzalo será o mellor filósofo que podíamos atopar. Aquí vemos o primeiro ensaio e xa temos claro que será perfecto.
Por outra banda está Paula. Que dicir que non se vexa... O AVANCE É INMELLORABLE....
Adiante...

storyboard

Rosa Neira estivo a traballar no storyboard, baseado no boceto orixinal. Vemos algunha toma da primeira escena... que gran traballo estades a facer... seguro que deste equipo sairán grandes artistas... seguide así que imos ben

Atención músicos

Vemos ao maestro John scofield tocando un standard.
Fixádevos como frasea facendo pausas, para marcar ben as frases e darlle sentido ó discurso. Tamén é interesante fixarse no contrabaixo, como está a facer o walking bass ( baixo camiñante ) impulsando sempre a sensación rítmica.

O segundo ensaio!

O segundo sábado foi mellor que o anterior xa que se ven os avances que estamos facendo, a cousa vai máis rápido do que eu pensaba. Ánxela e eu aínda temos que pulir un pouco máis o noso personaxe xa que é moi difícil poñer a entoacion que lle queres dar ao texto e tamén estar pensando como tes que facelo, pero sei que con esforzo o daremos conseguido. Somos un equipo xenial.

Os primeiros días

Eu son un dos que colabora no Making Off. A verdade é que o primeiro día algúns non comezamos moi ben, xa que chegamos tarde e por pouco non quedamos fóra. Por outro lado, o resto foi agradable. O labor dos actores e das actrices pareceume abrumador. Ademais, na miña opinión, nada máis chegar, xa nos organizamos perfectamente. O traballo no que estou quedou moi completo nesa mañá. Dous días despois, o que dirixe o noso equipo de montaxe, reproduciu para nós o vídeo preparado. O director, tamén presente, díxonos que para a próxima vez ía darnos una sorpresa que consistía en levar un novo trípode para traballar. Por último, hoxe, mellor dito pola hora que é, onte, foi o segundo día. Uns do Making Off fomos cos de maquillaxe para grabar unha proba e outros quedáronse grabando os ensaios. Isto foi posible grazas a que se me ocorreu coller a miña cámara. Aínda que tiveron que deixar de utilizala, porque se me esqueceu cargar a batería e fun sen o cargador. Neste momento, o que está grabado, só queda montalo e ver o resultado. Por agora, paréceme que todo o proxecto vai ser un éxito polo esforzo que se está realizando. Espero que estea no certo.

Segundo sábado

O segundo sábado resultou moi gratificante.
Marcos tivo que facer de claqueta por un intre... e pasámolo moi ben con el...Á frica ensaia a súa actriz particular.
Foi unha xornada moi completa onde case todo o equipo artístico ensaiou o seu papel. Por outra banda, o equipo técnico tamén fixo das súas... que ben.
Na maquillaxe estiveron traballando a fondo... veremos noutra entrada o resultado... en breve, que agora toca descanso.
Parabéns a todos/as... sodes un gran equipo.

África chegou a Europa

Por primeira vez África púxose diante das cámaras para comezar a lidiar coa presión.

Non me canso de repetir que a experiencia está a resultar moi agradable...que ben traballan

Maquillaxe con ritmo

Este vídeo sérvenos como referencia para dúas cousas diferentes. Por unha banda vemos unha caracterización, e por outra vemos un traballo de montaxe de vídeo. A min en particular paréceme moi interesante. Podemos apreciar unhas imaxes de calidade máis ben baixa pero con esta montaxe tan frenética, acompañadas do ritmo adecuado... o resultado é interesante.
É un recurso válido para o equipo de making off... sempre que sexa utilizado con mesura.

Guía para maquillaxe

Neste vídeo podemos ver unha técnica moi interesante para carecterizar a unha das personaxes da curta? ...

Vídeo do ensaio do sábado 6 de novembro

Vídeo realizado polo equipo de making off

O making off do sábado

Hoxe, martes 9 de novembro, no 2º recreo, estivemos a ver, na aula de plástica, o making off , que xa acurtou Xoán na casa, e que quedou moi ben.

Tamén estivemos a falar de que poderiamos traer feito da casa o making off os alumnos encargados del, e como sería o resultado do making final, ademais Miguel díxonos que o próximo sábado tiña unha sorpresa preparada para todos.

O primeiro día de ensaio

Hoxe por fin estivemos xuntos o equipo técnico e o artístico; a cousa pinta moi ben porque a xente toma en serio o seu traballo e sabe que isto non é unha broma, aínda que ás veces haxa momentos divertidos. A verdade é que estou moi contenta cos meus compañeiros e cos profesores, que son unhas persoas moi agradables. Hoxe Ánxela e eu tivemos o noso primeiro ensaio ''xeral'' e a verdade é que nos saíu bastante ben, aínda temos que mellorar máis, pero na miña opinion se seguimos con este interés chegaremos a facelo moi ben tanto nós coma os nosos compañeiros.

Primeira toma, primeiro sábado

Hoxe foi o primeiro ensaio dos sábados. A experiencia non pode ser máis positiva. Os/as alumnos/as foron puntuais e comprenderon ben o que significa este tipo de traballo. O grupo é moi compacto e respírase un ambiente moi agradable. É un privilexio para nós contar con esta enerxía tan positiva... pasámolo ben... rimos un pouco e aprendemos un pouco... pero sobre todo, traballamos a conciencia.
Por primeira vez tivemos xuntos aos dous equipos: artístico e técnico.
Varias cámaras filmando á vez, persoas presionando aos/ás actores/actrices.
A miña opinión persoal é que estamos perante un traballo fantástico. É moi cedo para sacar conclusións, pero é o mellor inicio co cal podemos contar.
O meu máis sincero agradecemento e admiración polo voso traballo... seguirde así. Será un pracer madrugar para atoparme de novo cada sábado con vós.

Movemento de cámara 3D

Estou a probar un efecto, que nos permite facer movementos de cámara a partires dunha imaxe fixa.
É parecido ao que se fixo en dairas, pero neste, conseguimos o efecto 3D (lonxe e cerca).
Unha vez rematado, doume conta de que non debo de facer movementos circulares (co eixo de pivote nas montañas), senón que debería mover a cámara virtual de forma rectilínea.

Situación ficticia 3D

Atopei este vídeo que nos amosa un titorial dun programa que podemos utilizar.
Trátase de colocar obxectos na postprodución que non fosen gravados na produción. Hai que xerar un plano tridimensional paralelo ó chan, no cal nos permite a colocación dos obxectos bidimensionais ou tridimensionais.
Aquí o temos VÍDEO alta calidade.

De Pitágoras (modos gregos) a Kenny Dorham

Isto funciona. Estamos a traballar a improvisación. En dúas semanas os avances son moi alentadores. Os/as alumnos/as da banda sonora están a comprender os principios destas artes.

Traballamos sobre todo a improvisación modal... o guerreiro modo " DÓRICO ".

A verdade é que se nota unha importante melloría... xa son capaces de improvisar por frases enteiras e iso é fascinante... ánimo artistas que isto pinta moi ben, e seguir con este ambiente tan fermoso

Ánxela

Este é o nome que tanto me custou atopar para a miña personaxe, un pouco peculiar, pero moi interesante. É difícil lograr interpretar este papel con naturalidade porque hai que estar moi atenta a todos eses detalles que parecen insignificantes, pero que poden botar a perder a credibilidade. Memorizar o papel é sinxelo: unhas poucas frases, mais o traballo de interpretanción é moito máis ca iso. Por agora estamos empezando, pero teño a impresión de que disto sairá un traballo moi bo.

Primeiros pasos do equipo técnico

O equipo técnico está en fase de constitución para dar os primeiros pasos. De momento dividimos o equipo en diferentes grupos:

No grupo de story-board están traballando os alumnos de 1º de bacharelato Rosa Neira e Andrés Troitiño.

No grupo de maquillaxe temos investigando a María Valdés de 1º de bacharelato e Rebeca Castro de 2º de bacharelato.

No grupo de filmación do Making off os alumnos de 4º de ESO Marta Balo, Marcos Barreiro e Carlos José Rodríguez van facer prácticas de vídeo para máis tarde poder gravar as imaxes dos ensaios. Dentro deste grupo Marta Quinteiro, de 1º de bacharelato, encargarase da reportaxe fotográfica.

Estes grupos non son pechados. Até ao de agora só estamos comezando a andar polo que aínda se poden incorporar alumnos/as aos diferentes grupos.
No futuro teremos de formar un grupo de son e outro de iluminación.

realidade ou ficción?

Cando o amigo Miguel puxo nas miñas mans “animais artificiais”, que eu descoñecía, xa ao pouco tempo me decatei que tiña perante miña algo moi diferente, algo excepcional, algo que se achaba máis alá do teatro cotián. Cando vexo a presentación de Ana, amosando a clásica turbación persoal baseada na contradición de termos e dicíndonos que soamente hai “mensaxe”, moitas mensaxes... mensaxes á morte, aos imbéciles... daquela lembrei a un gran escritor francés, descoñecido abondo, chamado Boris Vian e en especial a súa obra “A Espuma dos días”. Daquela lembraremos que entre a realidade e a ficción hai un gran traxecto, e todo vai depender da amplitude do foco de visión das persoas, do seu grande angular ou mínimo... en resume, todo vai depender de que sexamos aqueles simples “ananos” de Celso Emilio Ferreiro ou persoas de amplas miras para captarmos aquelas esperpénticas mensaxes que por moi esperpénticas que sexan (os esperpentos de Valle Inclán vistos con ampla mirada non deixan de ser claras e duras realidades) non van deixar de ser puras realidades.
Adiante e moitos ánimos actrices e actores que vos ides mergullar nun mundo fantástico a través dunha obra excepcional e ás ordes dun director que pon as súas “amplas miradas” ao servizo da arte, das mensaxes enmascaradas, da interpretación metafórica (como se nos di na introdución á obra).
Ánimo, ánimo... ánimos, que o esforzo facendo cousas interesantes ten sempre compensacións!!!

O meu personaxe

Pois o meu personaxe chámase Érika. O que máis me custa é interpretalo e dicir o texto con naturalidade para que non soe sobreactuado, aínda que me equivoco nalgunhas frases e me poño nerviosa creo que con esforzo chegarei a facer ben o meu papel.

Escritores

Neste vídeo podemos ver ó escritor Alberto Laiseca.
Este enlace foi tomado do blog do clube de lectores do I.E.S. Gacía Barros

É unha estética excelente para o noso prersonaxe " O filósofo - Campa ". Nun principio este personaxe tiña dúas estéticas válidas (segundo o noso director) .
Un dentista ou unha personaxe moi similar á do vídeo...

Ensaios

Podemos apreciar xa as melloras no traballo. A interpretación diante dunha cámara é moi diferente a estar nun teatro... recursos diferentes. Nerea Cernadas e Sandra Álvarez ensaian os seus respectivos papeis aproveitando os recreos. É un privilexio poder contar con persoas tan válidas e comprometidas... seguide así. Este é un camiño longo... pero ten final feliz..

Escola de idiomas

Este traballo inclúe clases de diferentes linguas...
O texto orixinal está en castelán ( traducido e adaptado ó galego polo profesor Carlos Loureiro )
Varios personaxes utilizan outras linguas como o inglés ou alemán... que interesante...

Das zieht einem ja den Boden unter den Füßen weg, meine Damen und Herren. Das zieht einem ja den Boden unter den Füßen weg. Dito alemán que vén a dicir: ”iso quítalle a un o chan de debaixo dos pés”.

Let´s start from the begining. The Universe. Somewhere in the universe… Planet Earth. Planet Earth; life. Life into… little bacteria. Little bacteria into bacteria groso. Bacteria groso into the water… little peixiño. Big fish eats little peixiño, big fish eats little peixiño, big fish eats little peixiño… big fish into the tree and monkey… monkey-man… man-gentleman....

Movemento dolly

Esta é unha vista do funcionamento da dolly. Foi deseñada e construída por Abel Carbajal, alumno de 3º de ESO.
Utilizáronse materiais de reciclaxe, incluídas as rodas, que nun principio pertencían a varios monopatíns..
Este mecanismo será utilizado na gravación dos trávelings.

Dolly

Isto está gravado coa dolly caseira... un traveling bastante logrado..

O meu papel

Estou na primeira semana de ensaio no meu papel de Michelle. Encántame, pero estame custando moito interpretar para cine, paréceme que non me sae todo o natural que debe de ser, ademais nas primeiras probas póñome moi nerviosa e teño lapsus nalgún momento. Polo demais creo que vai todo ben, aprendín facilmente o meu guión.

Probas actrices

Nerea Cernadas prepara o seu papel... as primeiras probas sempre son difíciles. Nerea fixo un gran traballo... agora estamos no camiño correcto.
Cando pasen os meses e, a base de moito traballo, teremos unha personaxe fantástica; moi natural e ilusionada...
Noraboa polo teu traballo

Mozart

Alumn@s de 4º de ESO fan probas de cara a cantar un fragmento do Requiem de Mozart... será un reto demasiado difícil...?
Este tema soará na escena do cemiterio.

Texto en Latín

" Confutatis maledictis
Flammis acribus addictis,
Voca me cum benedictus.
Oro supplex et acclinis,
Cor contritum quasi cinis,
Gere curam mei finis "

Rechazados ya los malditos,
y entregados a las crueles llamas,
llámame con los benditos.
Suplicante y humilde te ruego,
con el corazón casi hecho ceniza,
apiádate de mi última hora.

Primeiro ensaio

Esta é a primeira vez que tocan xuntos... temos que traballar moito para entrar nun estudo de gravación, pero xa sabemos que vai saír ben... cando pasen un par de meses, estarán ben axustados e serán capaces de improvisar sobre a harmonía do tema...
Esta banda será a encargada de poñer música a algunha das escenas... noraboa músicos pola vosa adicación e entusiasmo.




PINCHA VÍDEO JAZZ

Sons foley

Artículo extraido de : http://cine3.com/2008/12/10/%C2%BFque-es-un-foley/

" El nombre de foley viene de Jack Donovan Foley, quien creó los primeros trucos para imitar sonidos cuando apenas comenzaban a surgir las películas sonoras. A partir de su trabajo, se fueron añadiendo efectos y técnicas, pero muchas de las que se usan hasta ahora son creación de este hombre. El trabajo de un foley es mucho mayor de lo que muchos de nosotros imaginamos, pues dado que en la filmación se utilizan microfonos direccionales para evitar que exista ruido de fondo, gran parte de los sonidos incidentales no se registran, o lo hacen en un tono muy bajo. Por ello, detalles tan insignificantes como los pasos, el roce de la ropa, el poner una taza sobre la mesa o abrir una puerta, tienen que grabarse posteriormente "

Música créditos

Este é o guión para a música dos créditos...
Debe transmitir movemento cara adiante... continuidade... sensación positiva.... Conseguirémolo ?

Ana Vallés

Calquera traballo artístico precisa: formación, disciplina, adicación, amor, traballo... traballo... traballo...
Tódolos integrantes do equipo deben estar en igualdade de compromiso. O resultado será a suma de esforzos...
Ana Vallés é unha innegable fonte de inspiración e respeto...

Paula practica alemán

A vendedora da froitaría está máis interesada no sexo dos melóns que no negocio... asemade empéñase en falar alemán...
Esta personaxe é bastante complexa pero a Paula non a asusta... o seu traballo faise notar..

Primeiros ensaios

Esta é unha mostra dos primeiros ensaios. Cando pasen os meses poderemos comparar os traballos e avaliar os avances.
Neste traballo o máis importante é a expresión corporal... o texto será estudado noutro momento.
Paula e Estefanía representan ós nosos varrendeiros...

Escena dos varrendeiros

"Mauricio e Ricardo - Anano e xigante "
Estes dous personaxes serán interpretados por Paula Otero, 4º de ESO e Estefanía Puga 3ª de ESO.
Os nosos personaxes terán un nome diferente e deberán interpretar a dúas varrendeiras... mentres charlan sobre a arte...
Esta mañá realizaron a primeira proba e o resultado foi moi alentador... a verdade é que @s alumnos/-as están a traballar con moito interés e adicación. Isto esixe que nós teñamos que implicarnos aínda máis...
ánimo a tod@s!

Escena final- Monte Cabalar

De momento, as cousas máis fermosas seguen sendo gratis...
Esta paisaxe é onde se recrea o final da curta. Falta moito para falar de final, pero é importante facerse unha imaxe global do traballo. Para esta escena, o equipo técnico terá que facer moitas tomas e xogar en contra do reloxo... a luz natural pódenos xogar unha mala pasada...
Debemos estar atentos ás prediccións meteorolóxicas, pois as condicións deben ser favorables.

Escena do cemiterio

"Nesta paisaxe nevada non hai ficción. Tampouco hai acción. Non hai trama. Dramas os xustos..."

Dende que os animais artificiais poboamos a terra, os rituais no pasamento, están presentes en tódalas culturas.

Sen dúbida será unha escena difícil, porque este é un lugar especial e aí debe desenvolverse...

Ninguén dixo que sería fácil...

Video danza

Aquí vemos un video da bailarina Maya Plisetskaya, para que Nerea poida inspirarse no seu papel.

Maya Plisetskaya

• 

Esta peza debe soar no salón de baile...na escena da profesora de danza...

A música é do compositor Camille Saint-Saëns

Michelle - boceto de dirección

Isto é unha pequena guía para facilitarlle o traballo ao equipo técnico... aínda que en realidade non sei se será poñerllo máis difícil... xa veremos o resultado... é o que verdadeiramente importa...
Trátase da personaxe de Michelle (no texto de ana Vallés, aparece como " MAURICIO ")

Michelle

Michelle é unha profesora de baile que está namorada da bailarina profesional; Maya Plisetskaya (Maya Mijáilovna Plisétskaia (en ruso: Майя Михайловна Плисецкая) (Moscú, 20 de noviembre de 1925) é unha bailarina de ballet rusa, á que en 1993 se lle concedeu a cidadanía española.
Este papel será interpretado por Nerea Cernadas.
Esta mañá superou a proba; que consistía en demostrar que quere facelo, e para iso deberá esforzarse moito. sen dúbida que o vai conseguir... ánimo Nerea.
Esta escena está previsto que sexa gravada nunha academia de baile da Estrada. Asemade, nas imaxes deberán figurar un par de bailaríns...

Leimotiv

Este é o motivo condutor que servirá de nexo ás diferentes escenas... ó final deberá converterse nunha peza grandiosa... forte... potente... apoiando ó FIN

Actriz nos camerinos

Este é un manuscrito do borrador sobre a personaxe que representará África; alumna de 1º de bacharelato.
No guión orixinal, este personaxe é "O Inglés".
Na curtametraxe veremos a unha actriz ensaiando o seu guión (nos camerinos) que está a punto de interpretar... ou quizais é que xa está interpretando un papel... a súa vida pode ser unha simple interpretación... é posible que sexa un ANIMAL ARTIFICIAL...
Esta escena está prevista que sexa gravada no teatro principal da Estrada.

Escena no cemiterio

Sen dúbida, esta será unha das escenas máis delicadas á hora de gravar. Sandra, alumna de 1º de bacharelato, deberá traballar a fondo para darlle vida a unha personaxe... cando menos ben curiosa.
A filmación levarase a cabo no cemiterio de Ouzande e posiblemente nun solpor. É un reto, sen dúbida. Enfrontámonos á difícil tarefa de filmar con luz natural e sobre todo ás últimas horas do día... pero esta é a visión deste personaxe por parte do noso director, e así debe ser.....
Nos grandes retos están as grandes recompensas... ánimo a todo o equipo.... podemos..

Escena na froitaría

Aquí vemos un pequeno guión técnico. Trátase da escena na froitaría. Queda claro que o debuxo non é o forte do noso director....
Agora o equipo técnico terá que plasmar este boceto nun storyboard ben elaborado. Para iso contará coa axuda do profesor Xoán Xosé, quen guiará aos/ás alumn@s do equipo técnico.
Terán que traballar a perspectiva e ler ben o texto, para saber o que debe reflectirse en cada momento. O máis positivo de todo isto é que as ideas están cada vez máis claras, e todo o traballo que fagamos neste campo servirá para avanzar máis rápido e mellor unha vez que comecemos a rodaxe....

Música en directo

A banda sonora da curta estará dirixida, e composta en parte, polo profesor Miguel Carbajal.
Esta mañá dábanse instrucións aos/ás alumnos/as interesados/-as.
En primeiro lugar estamos a crear un grupo de jazz. Será o responsable de ambientar a escena do bar.
Tamén contaremos coa interpretación dun "músico callejero" para dar ambiente á froitaría.
Un leitmotiv será o fío condutor e nexo entre as diferentes escenas. A decisión de utilizar este recurso é importante, pois grazas a el poderemos relacionar mellor as vidas paralelas que representan as personaxes.

Animais Artificiais

Este é o novo traballo do Taller de Creación Artística do MGB. 2010/11
Trátase dunha curtametraxe, inspirada na obra teatral de Ana Vallés " Animales Artificiales "

Aimais Artificiais - teatro

Varios momentos da obra de teatro orixinal.

Ana Vallés en directo

Aquí podemos ver a Ana Vallés ( á esquerda )
Ana é a autora do texto de "Animales Artificiales". Esta obra de teatro é fascinante.
Agora enfrentámonos ó reto de crear uns personaxes para a pantalla, que sexan coherentes co texto.
Grazas Ana.

Dirección técnica: Xoán Xosé

Xoán Xosé Pérez, Xefe do departamento de plástica,
será o director do equipo técnico. No presente curso 2010/11. O I.E.S Manuel García Barros imparte o bacharelato de artes, nas dúas vías (artes plásticas e artes escénicas)
Debido a isto, Xoán traballará con alumnos de artes no segundo trimestre, na montaxe e edición de vídeo.
Neste traballo combinaremos os/as alumnos/as de artes, con outros voluntarios que desexan participar no proxecto.
Unha vez estudado o guión artístico e técnico, comezaremos co storyboard.

Director: Miguel Carbajal

Estamos a punto de comezar un novo proxecto.
Na primeira semana de outubro de 2010 comezamos a facer probas aos actores e actrices que imos precisar.
Trátase dunha selección en base ó traballo, non ás calidades artísticas.
O proxecto deste curso é facer unha curtametraxe, inspirada nun texto de Ana Vallés, que escribiu para teatro.
A nosa aposta será comprometida e complexa, coma sempre...
Despois da experiencia de DAIRAS, estamos con forzas para iniciar este traballo.
O título da peza é " ANIMAIS ARTIFICIAIS ".
A adaptación ó cine e dirección, correrán a cargo Miguel Carbajal. Director do taller de creación artística do MGB.
A tradución ó galego correu a cargo do profesor Carlos Loureiro.
Xoán Xosé Pérez será o director do equipo técnico.
Despois de elixir aos actores e actrices, comezaremos os ensaios.
O primeiro trimestre estará adicado a este fin.
A partires dese momento, poderán incorporarse ó traballo outros/-as compañeiros/-as para diferentes tarefas.