Claquetas con ritmo

Isto é unha pequena broma realizada por Abel, onde podemos apreciar que o ritmo está en todas partes!!

Viaxe a Vigo

Este pasado venres 25 de Maio, a meirande parte do equipo de Animais Artificiais viaxamos a Vigo para asistir á Mostra de Cine Xuvenil 2012. A reacción resultante foi satisfactoria, sobretodo polos alagos que recibimos por parte dunha directora importante que presentou o acto. As demáis curtametraxes tamén foron agradables e incluso algunha deixou un bó sabor de boca.

Presentación do segundo pase

Tiña que chegar esta entrada. E como máis vale tarde que nunca, aquí deixo o vídeo da presentación do segundo pase de Animais Artificiais. Agora, ¡a esperar á mostra en Vigo!

Un discurso que sempre recordarei

' 'Ola. Benvidos á estrea de Animais Artificiais. A partir da obra teatral "Animales Artificiales" de Ana Vallés, creouse un guión, traducido do castelán ó galego por Carlos Loureiro, que utilizou Miguel Carbajal, director do proxecto, xunto con Xoán Xosé Pérez, director técnico, para dar vida a esta mediametraxe. Antes de nada, debo decirvos que, despois da película, vai ser o Making Off, que é o "Como se fixo". Así que, non vos marchedes, por favor. A película dura sobre corenta minutos e o Making Off, media hora. Para non alargarme moito, farei un breve resumo do que significou e significará sempre para min esta singular mediametraxe. Todo comezou un día no que unhas persoas comentaron algo no autobús. A noticia extendíase sixilosamente: outro proxecto máis de Carbajal. Pouco despois, fun falar con este profesor e mandoume ir consultarlle a Xoán Xosé Pérez, co que quedei para encargarme do Making Off. Moita xente desexaría poder colaborar nesta obra, polo que, dalgún modo, síntome privilexiado de estar neste grupo. No meu caso, xa tiña experiencia de "Dairas", que é o anterior traballo que organizou Miguel xunto coa axuda doutros profesores, entre os que tamén estivo Xoán Xosé, pero, segundo a experiencia dos demais, neste tempo puiden comprobar como ía cambiando o ánimo, o pensamento, as ganas... En resumo, a vida de todos os que colaboraron. Facíame feliz poder aprender cousas novas xunto con outras persoas e relacionarme con aqueles cos que probablemente nunca se me tería pasado pola cabeza dirixirlles a palabra. Que dicir de Animais Artificiais? Que seguramente me cambiou por completo. A min e a moitos máis. E esta noite, despois de pasar a etapa de nervios, espero de todo corazón que esta película que van ver proxectada aquí, nesta mesma pantalla, lles guste e lles chegue á alma como nos chegou a nós, que, aínda que ó final non pase, seguiranos parecendo que o esforzo valeu a pena, porque, en definitiva, hai poucas cousas capaces de unir a un grupo de xente e creo, mellor dito, aseguro que Animais Artificiais é unha delas. Moitas grazas.' '

Making Off finalizado

Finalmente, hoxe, mellor dito, onte rematamos o Making Off. Agora só falta esperar ata a estrea para velo. Si tedes vergoña, non vos preocupedes, ídes a ter moita máis cando esteades vendo na pantalla grande as vosas animaladas. Con isto, tampouco é que pretenda poñer nervioso a ninguén, só que me fai moi feliz pensar que non quedou ningunha persoa liberada de aparecer nalgún vídeo dos montados. Aínda que o que máis me importa é que, despois de tres meses de ensaios, dous meses de rodaxe e outras semanas de montaxe, o traballo, por fin, quedou rematado e só falta cumprir o noso propósito, que é o éxito.

Trailer

Trailer realizado por Abel de 3º de ESO



OLLO!!! ás 21:00, non 21:30

Making Off en proceso

Finalmente, comezou fai pouco tempo o período de montaxe e, mentres os retoques da película seguen o seu transcurso, os do Making Off estamos liándonos cos miles de arquivos seleccionados previamente. Debo dicirvos que absolutamente todos ides aparecer e ninguén se vai librar. En caso contrario, xa estou eu aí para ocuparme de engadir á xente que falta. Espero con moito gusto que máis dun se poña colorado na estrea ó verse facer tolerías. Desde logo, como non estivera onde estou a traballar nestes días, nunca puidera imaxinar que os participantes de Animais Artificiais fósemos tan animais e nada artificiais.

Aparición OVNI

"Onte atopabámonos tan tranquilos, cando, de repente, oímos un forte ruído. Cal foi a nosa sorpresa cando saímos e vemos semellante masa de ferro voando sobre as árbores de Ouzande. Corremos rapidamente pola cámara, e gravamos isto:"



Isto é o que vos contaría se non me coñecerades, pero, ao ver isto, un dáse conta do traballiño que hai detrás. Trátase dunha animacion 3D integrada sobre unha fotografía. Esta secuencia de imaxes móstranos os pasos que demos.

(Fai clic para ver a secuencia)

Fascinante

Velaquí unha pequena animación dun compoñente do equipo técnico!!
Sen dúbida hai talento!!
Este traballo foi realizado por Martín Duro en tan só dous días. A técnica é moi complexa e o programa utilizado é o "toon boon"
A verdade é que pisades forte... moito ánimo a todos/as, seredes grandes artistas.

Montaxe

Ola a todas as actrices. Quérovos comentar, que estes días estou pasando moitas horas con vós. Non o credes? Pódovolo demostrar. Estou montando as primeiras escenas, e, menos mal que a miña cadeira ten respaldo, porque senón, caía ao chan de abraio. Estou escudriñando segundo a segundo as vosas interpretacións nun pantallón de vinte e non sei cantas polgadas. Tedes madeira de actrices, e iso nótase cando se ve na gran pantalla. Iso si, a que queira continuar actuando en cine, que teña coidado co raccord, o seu peor inimigo... ánimo, que isto vai moi ben!!!

Novo ano e novas experiencias

Este ano comezou ben para o proxecto. Nada máis volver das vacacións, xa fomos chamados os do Making Off para gravar ós da Banda Sonora. Tivemos que esforzarnos para facer un oco, pero por axudar, o que sexa. Agradoume coñecer a xente nova coa que nunca antes falei. Ademais, por se fose pouco, estreouse para o público a nosa pequena curtametraxe de tempo tan breve e cun humor que parece que gustou a moitas persoas, o que a nós nos sorprendeu bastante, xa que non esperabamos tanto éxito. Onte presentouse en Vedra e tamén resultou victoriosa. Con isto, quero engadir que é un honor para min poder colaborar neste traballo, co que, aínda que custe rematalo, levareime un recordo para o resto da miña vida. ¡Desexo un Feliz Ano Novo a esta obra!

Fantástico!

Isto é impresionante; xa oín os temas que gravaron os nosos compañeiros. É inevitable non comentar o ben que o fixeron. Tódolos temas soan moi ben. Quería felicitalos polo seu traballo... PARABÉNS, isto está quedando xenial. Cada día estou mais convencida que este traballo que estamos a facer dará que falar...

O meu punto de vista

Na miña opinión, paréceme que o principio deste proxecto vai indo bastante ben. É un soño para min poder axudar en obras do tipo desta. Cada vez síntome máis cerca de cumprir ese obxectivo do meu futuro. Ademais, alégrame traballar con estas persoas. Foi unha pena o plan cancelado, pero espero que non se volva a repetir e que todo saia mellor. ¡Bo Nadal e próspero Ano Novo para todos!

Misión case imposíbel

Aquí tedes o Making Off do noso proxecto espontáneo. O traballo foi difícil, pero ó final conseguímolo rematar.

Exceso de látex

Antes de colgar o Making Off do proxecto do noso equipo técnico, debo mostrarvos este vídeo sobre unha proba de maquillaxe con látex.

Traballo apurado

Hoxe, foi o sexto día de traballo. Todo pasou moi rápido. Os de montaxe tivemos só dúas horas para rematar un proxecto comezado e finalizado, máis ou menos, no mesmo día. Despois, eu tiven que deixar de axudar cando estabamos chegando ó final porque practiquei un papel. Aínda que é moi curto, a idea de telo alégrame os días.

Probas de montaxe

Antonte foi o quinto sábado de traballo. Esta vez o director separounos e os de montaxe estivemos na aula de infórmatica. Uns montamos vídeos do Making Off e outros fixeron probas con eses vídeos para ver como quedaría doutra maneira. Por agora ímos montando as entrevistas pouco a pouco e van quedando aceptables. A ver que facemos o próximo día.

O vídeo esperado

Isto é un resumo dun día de ensaio. Por fin conseguino rematar. Espero que vos guste. Aquí está.

Traballo en 3D

Estou comezando a familiarizarme co programa de 3D. Seguindo os titoriais apréndese moito. Nesta imaxe vemos como a partires de figuras simples como poden ser unha esfera ou un simple cilindro, podemos construír un patrón inicial, e logo, aplicando modificadores de dobrar, e modificadores de simetría constrúense figuras maiores. Esta é a figura que fixen;

E aquí vemos a interface do programa, no cal, abaixo á dereita, podemos apreciar un dos pasos do proceso:









Hoxe en día, todas as películas que vemos no cine, teñen unha parte de integración 3D. Que é a integración 3D? Pois é "inserir" modelos tridimensionais nun vídeo de acción real (con actores de carne e óso). O problema é que o vídeo, ao metelo no programa de composición, encóntrase en formato bidimensional. Se a cámara está en movemento, temos que pasar o vídeo por un programa que "rastree" o vídeo, e sexa capaz de facer unha especie de mapa 3D segundo o cambio da perspectiva. Os datos de dito mapa son exportados e introducidos no programa de modelaxe 3D, e automaticamente, todo o que teñamos modelado no proxecto, moverase co vídeo de acción real. Agora o único que temos que facer é compoñelo no programa de composición e xa está. Se o vídeo é estático, é mais sinxelo; simplemente temos que axustar a perspectiva do modelo 3D, para que estea perpendicular ao chan. Logo componse no programa de composición.
É un proceso laborioso, pero polo que toda película de hoxe en día está case obrigada a pasar.
Seguirei facendo probas.

Cambios de plano

Esta é unha proba de cambios de plano. É un aspecto crucial na realización cinematográfica. Faise gravando o víideo por cachos. Aquí está:



Máis en: hidraprod.blogspot.com





.